Нэгдсэн портал cистем

Баннер

ИРГЭДИЙН ТӨЛӨӨЛӨГЧ

Баннер

Эвлэрүүлэн зуучлалын хууль

Баннер

Хуулийн нэгдсэн сан

Баннер

Иргэдэд зориулсан мэдээлэл

Сургалт, судалгаа

Зөвлөмж

Баннер
Эрхэм хэрэглэгч Та манай сайтыг алдаагүй зөв үзье гэвэл Mozilla Firefox тохиромжтой. Хэрвээ татаж авах бол дээрх зурган дээр дарна уу.

Цаг агаар

Хэрэглэгчийн булан



Валютын ханш




Шүүхэд баярлалаа PDF Хэвлэх И-мэйл
Бичсэн Administrator   
2016 оны 12-р сарын 05, Даваа гариг, 08:35

 


 

ШҮҮХЭД БАЯРЛАЛАА

Говьсүмбэр аймгийн Сүмбэр сумын 4-р багийн иргэн Хуншуузын Төмөрбаатар би өөрийн төрсөн хүүхдүүд болох Т.Отгонбаяр, Т.Мэндбаяр нартай бүлэглэн, машин механизм ашиглан 2013 оны 10 дугаар сарын 11-ний өдөр Говьсүмбэр аймгийн Сүмбэр сумын 4 дүгээр багийн нутаг дэвсгэр Хүрийн ногоон гэх газраас иргэн А.Баатарзоригтын малаас 23 тооны бог малыг өөрийн малдаа нийлүүлэн хулгайлж улмаар тээврийн хэрэгсэлд ачин авч явж 2390000 төгрөгний хохирол учруулсан гэмт хэрэгт холбогдон Эрүүгийн хуулийн тусгай ангийн 145 дугаар зүйлийн 145.2-т зааснаар шалгагдаж,мөрдөгдөж 2 жил шахам хуулийн байгууллагын хаалгыг сахисан. Сэтгэл санаагаар ч их унасан гэр бүлийнхэн маань ч хүнд байдалд их орсон хэцүү юм билээ.

Ингээд миний хэрэг шүүхэд ирж Сум дундын 6 дугаар шүүхийн 2014 оны 09 дүгээр сарын 30-ны өдрийн 35 дугаар шийтгэх тогтоолоор намайг төдийгүй хүүхдүүдийг минь хэрэг хийгээгүйг нотолж цагаатгагдсан юм. Тухайн үед мөрдөн байцаалтын ажиллагаа үнэхээр хангалтгүй гүйцэтгэгдэж гэмт хэрэг үйлдсэн гэм буруутай эсэхийг тогтоохдоо хэт нэг талыг барьсан ажиллагаа явуулж намайг хэрэгт гүтгээд зогсохгүй миний хоёр хүүхдийг хүртэл энэ хэрэгт холбон 14 хоногийн хугацаагаар цагдан хорьж, хэнтэй ч уулзуулахгүй байцаасан. Гэрчүүдийн мэдүүлэг болон мэдүүлгийг газар дээр нь шалгах ажиллагааг удаа дараа хангалтгүй гүйцэтгээд зогсохгүй өмгөөлөгчтэй оролцох эрхийг минь хүртэл үл хүндэтгэн өмгөөлөгчгүй туршилтын ажиллагаа гүйцэтгэж байсан юм.

Хэрэг бүртгэгч, мөрдөн байцаагч нар надтай хэрэг үйлдсэн хүн шиг хандаж дээрээс нь нэмэгдээд тухайн хэрэгт улсын яллагчаар оролцож байсан прокурор нь ч хэт яллах талыг барьж байсан. Түүгээр ч зогсохгүй манай нутаг усныхан бүгдээрээ л намайг болон манай гэрийнхнийг хулгайч хэмээн үзэж аливаа асуудал болж мал нь олдохгүй л бол “чи авсан, шалгуулна” гэж удаа дараалан гэрт ирж гүтгэх,бөө авчирч гэрийн гадаа хүртэл бөөлүүлэх явдал гарч байсан. Энэ үед хэргийг минь үнэн мөнөөр нь шийдвэрлэж өгсөн шүүгч Б.Наранчимэг болон шүүхийн хамт олондоо одоог хүртэл баярлаж явдаг юм.

Миний бие дам ярианаас хэрэг бүртгэх, мөрдөн байцаах ажиллагаа дуусаад шүүхэд эрүүгийн хэрэг шилжихэд шүүх тухайн хэргийг шийдвэрлэхдээ ял өгөх нь тодорхой байдаг гэдгийг сонсоод үнэхээр л дээшээ тэнгэр хол, доошоо газар хатуу явсан цагт минь шударга үнэн шүүхийн шүүгчийн буянаар тухайн хэрэгт холбогдолгүй болох нь тогтоогдож өнөөдөр халуун ам бүлээрээ сэтгэл түвшин амьдарч байна.

Шүүх бол хэний ч нөлөөнд үл автах, авилга, хээл хахууль хүнд суртлаас ангид цор ганц байгууллага байгаад миний бие их баяртай явдаг. Хэрэг эцсийн шатандаа шүүхээр шийдвэрлэгддэг нь үнэхээр зөв зүйтэй санагдсан.

Миний бие хэдий жил гарангийн хугацаанд ийнхүү сэтгэл санаа бие мах бодиороо хохироод зогсохгүй нутаг усныхандаа ч муу нэртэй болсон ч шүүх намайг цагаатгасан нь үнэн дээ гэж сэтгэл өөдрөг байдаг шүү. Одоо би өөрийнхөө нэг малыг хийсэн ч чихийг нь авч үлдэж өөрийн им, цуулбараар баталгуужуулж хүнд үзүүлэх хэмжээний хашир болжээ. Хэдийгээр цагаатгагдсан бол нэр төрөө сэргээлгэж болох боловч нааш цаашаа явдал чирэгдэл гэж төвөгшөөгөөд одоогоор хараахан гомдол гаргаагүй л байна даа.

Би шүүхээр хэргээ шийдүүлэхээр хүлээгдэж байхдаа л шүүхийн үйл ажиллагаа иргэдэд нээлттэй хүртээмжтэй хүрч чадаж байна даа. Нэг үеэ бодвол хүнд суртал гарган чирэгдүүлэх, иргэдийг хүлээлгэх явдал байхгүй болоод зогсохгүй үйлчилгээ нь ч сайжирсан мөн шүүх тохилог, алба хаагчид нь ч дээрээсээ авахуулаад доод шат бүхэндээ соёлтой боловсон харьцаатай болсон юм шиг санагдсаныг хэлэхэд таатай байна гэв.

Иймээс шүүхийн хамт олонд болон шүүгч Б.Наранчимэгт баярлаж байгаагаа хэлье. Та бүхэнд ажлын өндөр амжилтыг хүсэн ерөөе. Шударга шүүх, шуурхай үйлчилгээтэй сайхан хамт олондоо баярлалаа.

 

 

 

 

Сүүлд шинэчлэгдсэн: 2016 оны 12-р сарын 05, Даваа гариг, 08:54
 
Центавр PDF Хэвлэх И-мэйл
Бичсэн Administrator   
2016 оны 12-р сарын 02, Баасан гариг, 07:18

Говьсүмбэр аймаг дахь шүүгчдийн салбар хорооноос 2016 оны 11 сарын 29-ний өдөр шүүгч, ажилтнуудын дунд “ЦЕНТАВР” танин мэдэхүйн хөгжөөнт тэмцээнийг амжилттай зохион байгууллаа. Уг тэмцээнд шүүгч, шүүхийн  ажилтнуудаас бүрдсэн тус бүрдээ 8 хүний  бүрэлдэхүүнтэй 4 баг  болж багууд  авхаалж самбаагаа сорьж оролцлоо.

Эрүүгийн хэргийн анхан шатны шүүхийн шүүгч Б.Баттулга ахлагчтай “Арга билэг” баг нэгдүгээр байр,

Захиргааны хэргийн анхан шатны шүүхийн шүүгч З.Ганзориг ахлагчтай “ЖАНЖИН ЧОЙР” баг хоёрдугаар байранд орж Өргөмжлөл мөнгөн шагналаар тус тус шагнагдав.

Сүүлд шинэчлэгдсэн: 2016 оны 12-р сарын 05, Даваа гариг, 02:28
 
Мэдээлэл PDF Хэвлэх И-мэйл
Бичсэн Administrator   
2016 оны 12-р сарын 02, Баасан гариг, 06:35

Говьсүмбэр аймгийн шүүхийн Тамгын газар болон Говьсүмбэр аймаг дахь Цагдаагийн хэлтсийн “Шүүх, шүүгчийн аюулгүй байдлыг хангах хэсэг”-тэй хамтарсан 2016 оны 11 дүгээр сарын зөвлөгөөн боллоо. Зөвлөлгөөнийг тусгай удирдамжийн дагуу зохион байгуулж явууллаа.

 



Сүүлд шинэчлэгдсэн: 2016 оны 12-р сарын 02, Баасан гариг, 06:48
 
УЛСЫН ДЭЭД ШҮҮХИЙН ШҮҮГЧИЙН СОНГОН ШАЛГАРУУЛАЛТЫН ЗАР PDF Хэвлэх И-мэйл
Бичсэн Administrator   
2016 оны 11-р сарын 29, Мягмар гариг, 01:50

Шүүхийн ерөнхий зөвлөлийн даргын 2016 оны 11 дүгээр сарын 24-ний өдрийн 145 дугаар тушаалаар Улсын дээд шүүхийн Эрүүгийн хэргийн танхимын шүүгчийн нэг сул орон тоонд сонгон шалгаруулалт зарлалаа.

Хяналтын шатны шүүхийн шүүгчид нэр дэвшигч нь Монгол Улсын Үндсэн хуулийн 51 дүгээр зүйлийн 51.3, Шүүгчийн эрх зүйн байдлын тухай хуулийн 4 дүгээр зүйлд заасан дараах болзол, шаардлагыг хангасан байна. Үүнд:

1. Хууль зүйн дээд боловсролтой;

2. Мэргэжлээрээ 10-аас доошгүй жил ажилласан;

3. Монгол улсын гучин таван нас хүрсэн иргэн;

4. Ял шийтгүүлж байгаагүй;

5. Шүүгчид нэр дэвших үед гэмт хэрэгт холбогдоогүй буюу сэжигтэн яллагдагчаар татагдаагүй;

6. Бусдад хугацаа хэтэрсэн зээлийн өргүй;

7. Шүүгчээр ажиллахад харшлах өвчин, сэтгэцийн эмгэггүй;

8. Хуульчийн мэргэжлийн үйл ажиллагаа эрхлэх зөвшөөрлийн гэрчилгээтэй /гэрчилгээ авсан өдрөөс хойш мэргэжлээрээ 10-аас доошгүй жил ажилласан байх/

9. Мэргэжлийн ёс зүйгээ ухамсарласан, шударга ёсыг эрхэмлэдэг, хүний эрхийг дээдлэх, бусдын нөлөөнд автахгүй, бие даасан шийдвэр гаргах чадвартай;

10. Монгол хэлний ярианы болон бичгийн соёл, чадвартай;

11. Мэдээллийн технологийн хэрэглээний програмыг ашиглах чадвартай;

12. Шүүгчээр ажиллах тухайн дагнасан шүүхийн салбар эрх зүйн мэдлэг, туршлагатай;

13. Бусдын саналд хүндэтгэлтэй хандаж, шүүмжлэлийг бодитойгоор хүлээн авч, өөрийн байр суурийг ойлгомжтой тайлбарлах зэрэг асуудлыг шийдвэрлэхэд шаардлагатай зан чанартай байх.

Хяналтын шатны шүүхийн шүүгчид нэр дэвшигч нь дээрх болзол, шаардлагаасгадна Шүүгчийн эрх зүйн байдлын тухай хуулийн 6 дугаар зүйлийн 6.1 дэх хэсэгт заасны дагуудор дурдсан нэг буюу түүнээс дээш шаардлагыг хангасан байна. Үүнд:

1. Давж заалдах шатны шүүхэд таваас доошгүй жил ажилласан;

2. Өмгөөлөгч, шүүгч, прокуророор арваас доошгүй жил ажилласан;

3. Хуульчдын холбооноос магадлан итгэмжлэгдсэн хууль зүйн сургуульд арваас доошгүй жил багшилсан байх.

ЖИЧ:Шүүгчийн эрх зүйн байдлын тухай хуулийн 6 дугаар зүйлийн 6.2 дахь хэсэгт заасны дагуу Улсын дээд шүүхийн шүүгчээр сүүлийн зургаан жилд Монгол Улсын Ерөнхийлөгч, Улсын Их Хурлын гишүүн, Ерөнхий сайд, Засгийн газрын гишүүн, улс төрийн намын дарга, удирдах албан тушаал хашиж байсан хүнийг Хяналтын шатны шүүхийн шүүгчээр томилохыг хориглодог болно.

Дээр дурдсан болзол, шаардлагыг хангасан хуульч Шүүгчийн эрх зүйн байдлын тухай хуулийн 11 дүгээр зүйлд заасан дор дурдсан баримт бичгийгбүрдүүлэн2016 оны 12 дугаар сарын 26-ны өдрийн 09 цаг 00 минутаас 12 дугаар сарын 30-ны өдрийн 17 цаг 00 минут хүртэлх хугацаандwww.shuugch-songon.mnхаягт бүртгүүлж, баримт бичгийг файлаар бүртгэлийн хэсэгт хавсарган оруулна уу.

Нэр дэвшигчээр бүртгүүлэхийг хүсэж буй хуульч /нөөцөөс болон шинээр/www.shuugch-songon.mnхаягт бүртгүүлж, баримт бичгийг файлаар бүртгэлийн хэсэгт хавсаргахаас гадна бүрдүүлсэн баримт бичгээ цаасан хэлбэрээр бүртгэлийн хугацаандбаталгаат шуудандхийж, Шүүхийн мэргэшлийн хорооны ажлын албанд ирүүлнэ үү!

ЖИЧ:Баримтыг дутуу бүрдүүлсэн тохиолдолд бүртгэлээс хасах үндэслэл болохыг анхаарна уу!Баримт материалыг бүрдэл тус бүрээр .pdf файл болгон програмд оруулах (жишээ нь: нийгмийн даатгалын дэвтрийг нүүр, бичилт хийгдсэн бүх хуудаснуудтай нь нэгтгэж нэг .pdf файл болгох) БҮРДҮҮЛЭХ МАТЕРИАЛЫН АЛЬ НЭГ БҮРДЛИЙН ХУУДАС ДУТУУ ОРСОН ТОХИОЛДОЛД БАРИМТЫГ ДУТУУ БҮРДҮҮЛСЭНД ТООЦОХ ТУЛ ОРУУЛСАН ФАЙЛ ТУС БҮРЭЭ БҮРЭН ГҮЙЦЭД ЭСЭХИЙГ ШАЛГАНА УУ.

Сүүлд шинэчлэгдсэн: 2016 оны 11-р сарын 29, Мягмар гариг, 01:55
Дэлгэрэнгүй...
 
АНХАН ШАТНЫ ШҮҮХИЙН ШҮҮГЧИЙН СОНГОН ШАЛГАРУУЛАЛТЫН ЗАР PDF Хэвлэх И-мэйл
Бичсэн Administrator   
2016 оны 11-р сарын 29, Мягмар гариг, 01:55

Шүүхийн ерөнхий зөвлөлийн даргын 2016 оны 11 дүгээр сарын 24-ний өдрийн 145 дугаар тушаалаар Орхон аймаг дахь Сум дундын эрүүгийн хэргийн анхан шатны шүүхийн шүүгчийн, Сүхбаатар дүүргийн Иргэний хэргийн анхан шатны шүүхийн шүүгчийн тус тус нэг сул орон тоонд сонгон шалгаруулалт зарлалаа.

I.АНХАН ШАТНЫ ШҮҮХИЙН ШҮҮГЧИД НЭР ДЭВШИГЧ:

Анхан шатны шүүхийн шүүгчид нэр дэвшигч нь Монгол Улсын Үндсэн хуулийн 51 дүгээр зүйлийн 51.3, Шүүгчийн эрх зүйн байдлын тухай хуулийн 4 дүгээр зүйлд заасан дараах болзол, шаардлагыг хангасан байна. Үүнд:

1.Хууль зүйн дээд боловсролтой;

2.Мэргэжлээрээ 3-аас доошгүй жил ажилласан /Хуульчийн мэргэжлийн үйл ажиллагаа эрхлэх зөвшөөрөл авсан өдрөөс хойш 3 жилийн хугацаанд мэргэжлээрээ ажилласан байх/;

3.Монгол Улсын хорин таван нас хүрсэн иргэн;

4.Ял шийтгүүлж байгаагүй;

5.Шүүгчид нэр дэвших үед гэмт хэрэгт холбогдоогүй буюу сэжигтэн, яллагдагчаар татагдаагүй;

6.Бусдад хугацаа хэтэрсэн зээлийн өргүй;

7.Шүүгчээр ажиллахад харшлах өвчин, сэтгэцийн эмгэггүй;

8.Хуульчийн мэргэжлийн үйл ажиллагаа эрхлэх зөвшөөрлийн гэрчилгээтэй;

9.Мэргэжлийн ёс зүйгээ ухамсарласан, шударга ёсыг эрхэмлэдэг, хүний эрхийг дээдлэх, бусдын нөлөөнд автахгүй, бие даасан шийдвэр гаргах чадвартай;

10.Mонгол хэлний ярианы болон бичгийн соёл, чадвартай;

11.Мэдээллийн технологийн хэрэглээний програмыг ашиглах чадвартай;

12.Шүүгчээр ажиллах тухайн дагнасан шүүхийн салбар эрх зүйн мэдлэг, туршлагатай;

13.Бусдын саналд хүндэтгэлтэй хандаж, шүүмжлэлийг бодитойгоор хүлээн авч, өөрийн байр суурийг ойлгомжтой тайлбарлах зэрэг асуудлыг шийдвэрлэхэд шаардлагатай зан чанартай байх.

Дээр дурдсан болзол, шаардлагыг хангасан хуульч Шүүгчийн эрх зүйн байдлын тухай хуулийн 11 дүгээр зүйлд заасан дор дурдсан баримт бичгийг бүрдүүлэн 2016 оны 12 дугаар сарын 26-ны өдрийн 09 цаг 00 минутаас 12 дугаар сарын 30-ны өдрийн 17 цаг 00 минут хүртэлххугацаанд www.shuugch-songon.mn хаягт бүртгүүлж, баримт бичгийг файлаар бүртгэлийн хэсэгт хавсарган оруулна уу.

Нэр дэвшигчээр бүртгүүлэхийг хүсэж буй хуульч /нөөцөөс болон шинээр/ www.shuugch-songon.mnхаягт бүртгүүлж, баримт бичгийг файлаар бүртгэлийн хэсэгт хавсаргахаас гадна бүрдүүлсэн баримт бичгээ цаасан хэлбэрээр бүртгэлийн хугацаанд баталгаат шууданд хийж, Шүүхийн мэргэшлийн хорооны ажлын албанд ирүүлнэ үү!

ЖИЧ:Баримтыг дутуу бүрдүүлсэн тохиолдолд бүртгэлээс хасах үндэслэл болохыг анхаарна уу!Баримт материалыг бүрдэл тус бүрээр pdf файл болгон програмд оруулах (жишээ нь: нийгмийн даатгалын дэвтрийг нүүр, бичилт хийгдсэн бүх хуудаснуудтай нь нэгтгэж нэг .pdf файл болгох) БҮРДҮҮЛЭХ МАТЕРИАЛЫН АЛЬ НЭГ БҮРДЛИЙН ХУУДАС ДУТУУ ОРСОН ТОХИОЛДОЛД БАРИМТЫГ ДУТУУ БҮРДҮҮЛСЭНД ТООЦОХ ТУЛ ОРУУЛСАН ФАЙЛ ТУС БҮРЭЭ БҮРЭН ГҮЙЦЭД ЭСЭХИЙГ ШАЛГАНА УУ.

Дэлгэрэнгүй...
 
Хуулийн байгууллагуудын спортын тэмцээнд амжилттай оролцлоо PDF Хэвлэх И-мэйл
Бичсэн Administrator   
2016 оны 11-р сарын 22, Мягмар гариг, 00:20

Говьсүмбэр аймгийн хуулийн байгууллагуудын дунд жил бүр уламжлал болгон зохион байгуулагддаг спортын тэмцээн 2016 оны 11 дүгээр сарын 18-аас 2016 оны 11 дүгээр сарын 19-ний өдрүүдэд зохион байгуулагдлаа.

Тэмцээнийг Говьсүмбэр аймгийн Шүүхийн шийдвэр гүйцэтгэх алба зохион байгуулсан ба тус шүүхийн хамт олон амжилттай оролцож сагсан бөмбөгийн эрэгтэй баг тамирчид мөнгөн медаль, эмэгтэй баг тамирчид хүрэл медаль авч дарга нарын чөлөөт шидэлтийн тэмцээнд тус шүүхийн тамгын газрын дарга Д.Сувд мөнгөн медаль, Иргэний хэргийн анхан шатны шүүхийн шүүгч Ц.Наранчимэг сагсан бөмбөгийн шилдэг довтлогчийн цом авч олс таталтаар алтан медалыг тус тус хүртэн багийн нийлбэр дүнгээр 3 дугаар байранд орж амжилттай оролцлоо


 
<< Эхлэх < Өмнөх 1 2 3 4 5 6 7 8 9 10 Дараахи > Төгсгөл >>

Хуудас 108-с 1

Тунхаг

Зурган дээр дарж үзнэ үү
Текстээр үзэх бол ЭНД
дарна уу.

Цахим сан

Баннер

Шинээр гарсан дүрэм, журмууд

Баннер

Файл шэйр

Баннер

Сонгон шалгаруулалтын зар

Баннер

Санал асуулга

Та Шүүхийн талаарх мэдээллийг хаанаас авдаг вэ?
 

Цаг хугацаа

Манай зочид

mod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_counter
mod_vvisit_counterӨнөөдөр63
mod_vvisit_counterӨчигдөр84
mod_vvisit_counterЭнэ долоо хоногт147
mod_vvisit_counterӨнгөрсөн долоо хоногт2636
mod_vvisit_counterЭнэ сард1140
mod_vvisit_counterӨнгөрсөн сард7731
mod_vvisit_counterНийт зочдын тоо372083

Хэн онлайн байна: 4
Таны IP хаяг: 54.147.236.192
,
Now: 2016-12-05 12:13